خلني بعيد

سلام وأشواق
ودها بس تدق الباب
وهواجس تخفي العبرة

كنا أحباب وصرنا أصحاب
وقلبي ناضي بجمره

زماني راح وسط الجراح
وليلي ضايع (ن) بدره


تعال اتسّمع أنفاسي ... تتغنى بحروف اسمك
واسمع زين لي رد الصوت
صداه يقول يا حلّوك

تعال ناظر نجوم الشوق ... كيف تلالي برسمك
تتحرى سحابة حب ... يوم يهل بها وسمك

تعال يا اللي ملكت الروح
تعال و داوي المجروح
بعيني أنا أضمك
وابني لك في قلبي صروح

تعال اعزف لك الحاني
واغني حر أشجاني
و شوف بحبك ايش جاني
هواجيس الليالي تهون
على نفسي أنا الجاني

تظن إني أنا ناسي
سوالف حبنا والأشواق
تظن إني أنا جاسي
وطاوعني يوم الفراق
تظن قليبي يوم عافك
او يوم شاف هنا بعدك

اعذرني
اخاف من الهوا لي دار
شرق وغرب يوديني

خلني بعيد – بعد اذنك –

وأرجوك
لا تواسيني
على ما ضاع من سنيني